டிரெண்டிங்

கடலூர், விழுப்புரம் உள்ளிட்ட 11 மாவட்டங்களில் இன்று வெளுக்கப்போகும் கனமழை.. வானிலை மையம் தகவல்

Tamil Nadu Weather : தமிழகத்தில் இன்று முதல் வரும் நாள்கள் பல்வேறு மாவட்டங்களில் பரவலாக கனமழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.

Rain Live Updates

தமிழ்நாட்டில் கனமழை எச்சரிக்கை

Photo : Times Now
தமிழகத்தில் நேற்றைய தினம் (ஜூன் 8) அன்று சேலம், தருமபுரி, கள்ளக்குறிச்சி, விழுப்புரம், கிருஷ்ணகிரி, திருப்பத்தூர், பெரம்பலூர் உள்ளிட்ட ஒரு சில பகுதிகளில் மழை பெய்துள்ளது. ஏனைய பகுதிகளில் பகல்நேர வெப்பம் தலைத்தூக்கி வறண்ட வானிலையே நிலவியது. நேற்று அதிகபட்சமாக புதுச்சேரியில் 40 டிகிரி செல்சியஸ் வெப்பம் பதிவாகியுள்ளது.
அத்துடன் நேற்று தமிழகத்தில் அதிகபட்ச வெப்ப நிலை ஓரிரு இடங்களில் இயல்பை விட 1-3 டிகிரி செல்சியஸ் அதிகமாக இருந்தது. இந்நிலையில், தமிழகத்தில் இன்று முதல் வரும் நாள்கள் பல்வேறு மாவட்டங்களில் பரவலாக கனமழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.
இது தொடர்பாக சென்னை வானிலை ஆய்வு மையம் வெளியிட்டுள்ள தகவலில் "தென்னிந்திய பகுதகளில் மேல் வளி மண்டல மேலடுக்கு சுழற்சி நிலவுகிறது. இதன் காரணமாக இன்று (ஜூன் 8) தமிழகத்தின் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் பலத்த காற்றுடன் லேசனது முதல் மிதமான மழை பெய்யக்கூடும்.
கனமழை எச்சரிக்கை: அத்துடன் இன்று வேலூர், திருப்பத்தூர், ராணிப்பேட்டை, திருவண்ணாமலை, கள்ளக்குறிச்சி, விழுப்புரம், கடலூர், அரியலூர், மயிலாடுதுறை, கிருஷ்ணகிரி மற்றும் தருமபுரி மாவட்டங்களில் கனமழைக்கு வாய்ப்புள்ளது.
நாளை ஜூன் 10 (செவ்வாய்கிழமை) அன்று ஈரோடு, திருவண்ணாமலை, ராணிப்பேட்டை, திருப்பத்தூர், வேலூர், தருமபுரி, கிருஷ்ணகிரி மாவட்டங்களில் கனமழை பெய்ய வாய்ப்புள்ளது.
மேலும், ஜூன் 11 (புதன்கிழமை) அன்று தஞ்சாவூர், திருவாரூர், நாகப்பட்டினம், மயிலாடுதுறை, திருச்சி, அரியலூர், கடலூர், புதுக்கோட்டை, பெரம்பலூர், விழுப்புரம், திருவண்ணாமலை, கள்ளக்குறிச்சி, தருமபுரி, கிருஷ்ணகிரி, நீலகிரி ஆகிய மாவட்டங்களில் கனமழைக்கு வாய்ப்பு. அதேபோல, ஜூன் 15 வரை தமிழகத்தின் பல்வேறு பகுதிகளில் கனமழைக்கு வாய்ப்புள்ளது.
தமிழ்நாட்டில் ஓரிரு இடங்களில் இன்று அதிகபட்ச வெப்பநிலை 2-3 செல்சியஸ் இயல்பை விட அதிகம் இருக்கக் கூடும். இதனால் அதிக வெப்ப நிலையும், அதிக ஈரப்பதமும் இருக்கும் நிலையில் ஓரிரு பகுதிகளில் அசவுகரியம் ஏற்படாலம்.
சென்னை மற்றும் புறநகர் பகுதிகளை பொருத்தவரை இன்று வானம் ஓரளவு மேகமூட்டத்துடன் காணப்படும். ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது. சென்னையில் அதிகபட்ச வெப்பநிலை 38 டிகிரி செல்சியஸை ஒட்டியும், குறைந்தபட்ச வெப்பநிலை 27-28 டிகிரி செல்சியஸை ஒட்டியும் இருக்கக்கூடும் என வானிலை ஆய்வு மையம் தெரிவித்துள்ளது.
லேட்டஸ்ட்
    Kannan V author

    ஹாய், என் பெயர் கண்ணன்.. எழுத்து, ஊடகத்துறையின் மீது கொண்ட ஈடுபாட்டால் கடந்த 6 ஆண்டுகளாக இத்துறையில் இயங்கி வருகிறேன். அரசியல் / உலகம் / விளையாட்டு கு...மேலும் பார்க்க

    முடிந்தது
    Subscribe to our daily Newsletter!
    சமீபத்திய செய்தி