டிரெண்டிங்

2026இல் பாஜக-அதிமுக கூட்டணி ஆட்சி அமைக்கும்.. மதுரையில் அமித் ஷா அதிரடி பேச்சு

மதுரையில் பாஜகவின் மாநில நிர்வாகிகள் கூட்டம் நடைபெற்றது. இதில் சிறப்பு விருந்தினராக மத்திய உள்துறை அமைச்சர் அமித் ஷா, 2026 தேர்தலிலும் தேசிய ஜனநாயகக் கூட்டணி மிகப்பெரிய வெற்றி பெற்று, பாஜக-அதிமுக கூட்டணி ஆட்சியை அமைக்கும் எனப் பேசினார்.

Amit Shah Speech

மதுரையில் அமித் ஷா பேச்சு

Photo : Twitter
தமிழ்நாடு சட்டப்பேரவை தேர்தலுக்கு இன்னும் 10 மாத காலமே உள்ள நிலையில், பாஜகவின் தமிழ்நாடு மாநில, மாவட்ட, மண்டல நிர்வாகிகள், பொறுப்பாளர்கள் கூட்டம் இன்று (ஜூன் 8) மதுரையில் நடைபெற்றது. இந்த கூட்டத்தில் சிறப்பு விருந்தினராக மத்திய உள்துறை அமைச்சரும், பாஜகவில் பிரதமர் நரேந்திர மோடிக்கு அடுத்த இடத்தில் இருக்கும் தலைவரான அமித் ஷா பங்கேற்றுள்ளார்.
2026 தேர்தல் பணிகளை மாநில பாஜகவினர் உற்சாகத்துடன் தொடங்கும் நோக்கிலேயே அமித் ஷா இந்த கூட்டத்தில் பங்கேற்றுள்ளதாக கூறப்படுகிறது. இந்த கூட்டத்தில் மத்திய அமைச்சர் எல். முருகன், மாநிலத் தலைவர் நயினார் நாகேந்திரன், அண்ணாமலை, தமிழ்நாடு பாஜக பொறுப்பாளர்கள் அரவிந்த் மேனன், சுதாகர் ரெட்டி, தமிழிசை சவுந்தரராஜன், பொன். ராதாகிருஷ்ணன், வானதி சீனிவாசன், எச்.ராஜா உள்ளிட்ட பலர் பங்கேற்றனர்.
இந்த கூட்டத்தில் பேசிய அமித் ஷா கூறியதாவது, "மதுரை மீனாட்சி அம்மன், சொக்கநாதர், கள்ளழகர், முருகனை வணங்கி இந்த உரையை தொடங்குகிறேன். பாஜக நிர்வாகிகளாகிய உங்கள் அனைவரையும் சந்திப்பதில் மகிழ்ச்சி அடைகிறேன். தமிழ் மொழியில் பேச முடியாததை நினைத்து வருந்துகிறேன்.
நான் டெல்லியில் இருந்தாலும், என்னுடைய கண்ணும், காதும் தமிழ்நாட்டில் தான் இருக்கின்றன. இந்த மதுரை மாற்றத்திற்கான மண். இந்த மண்ணில் வரும் ஜூன் 22ஆம் தேதி முருக பக்தர்கள் மாநாடு நடைபெறவுள்ளது. அதை வெற்றிகரமாக சிறப்பாக நடத்தி காட்டிட வேண்டும்.
2024, 2025 ஆகிய ஆண்டுகள் பாஜகவுக்கு முக்கியத்துவம் வாய்ந்த ஆண்டுகள். 2024 பாஜக தலைமையிலான கூட்டணி வெற்றி பெற்று மோடி 3 முறையாக பிரதமராக பொறுப்பேற்றார். அத்துடன் ஒடிசா, ஹரியானா, மகாராஷ்டிரா ஆகிய மாநிலங்களில் பாஜக வெற்றி பெற்று ஆட்சியை அமைத்துள்ளது.
அதேபோல, தலைநகர் டெல்லியில் கெஜ்ரிவால் ஆட்சியை முடிவுக்கு கொண்டுவந்து 27 ஆண்டுகளுக்கு பின் பாஜக ஆட்சியை அமைத்துள்ளது. இவற்றை போலவே, 2026 தேர்தலிலும் தேசிய ஜனநாயகக் கூட்டணி மிகப்பெரிய வெற்றி பெற்று, பாஜக-அதிமுக கூட்டணி ஆட்சியை அமைக்கும்.
அமித் ஷாவால் திமுகவை தோற்கடிக்க முடியாது என முதல்வர் ஸ்டாலின் சொல்கிறார். உண்மை தான் அமித் ஷாவால் திமுகவை தோற்கடிக்க முடியாது. ஆனால், தமிழ்நாட்டு மக்களால் திமுகவை தோற்கடிக்க முடியும். அதை மக்கள் முடிவு செய்தார்கள். இந்த மாற்றத்தை மதுரை மண் உண்டாக்கும்" என்றார்.
லேட்டஸ்ட்
    Kannan V author

    ஹாய், என் பெயர் கண்ணன்.. எழுத்து, ஊடகத்துறையின் மீது கொண்ட ஈடுபாட்டால் கடந்த 6 ஆண்டுகளாக இத்துறையில் இயங்கி வருகிறேன். அரசியல் / உலகம் / விளையாட்டு கு...மேலும் பார்க்க

    முடிந்தது
    Subscribe to our daily Newsletter!
    சமீபத்திய செய்தி