டிரெண்டிங்

டொனால்ட் ட்ரம்ப் - எலான் மஸ்க் உறவு முறிவு : திடீரென வெடித்த மோதல்.. பின்னணி என்ன?

Elon musk vs Trump : நான் இல்லையென்றால் டிரம்பால் வெற்றி பெற்றிருக்க முடியாது எனவும் டிரம்ப் நன்றியுணர்வு அற்றவர் எனவும் எலான் மஸ்க் கடுமையாக சாடியிருந்தார்.

Elon musk vs trump

டொனால்ட் ட்ரம்ப் - எலான் மஸ்க்

அமெரிக்க அதிபராக 2வது முறையாக கடந்த ஜனவரியில் பதவியேற்ற டொனால்டு ட்ரம்ப், வரி அதிகரிப்பு போன்ற பல்வேறு அதிரடி நடவடிக்கைகளை மேற்கொண்டு வருகிறார். ட்ரம்ப் தேர்தலில் போட்டியிட்ட போதே அவருக்கு ஆதரவு தெரிவித்த ஸ்பேஸ் எக்ஸ் நிறுவனரும், உலகின் நம்பர்-1 பணக்காரருமான எலான் மஸ்க், ட்ரம்பின் குடியரசுக் கட்சிக்கு தேர்தல் நிதியாக பல கோடிகளையும் அள்ளிக் கொடுத்தார்.
டொனால்ட் ட்ரம்ப் அதிபர் தேர்தலில் வெற்றி பெற்ற பின்னர் அவரின் நிர்வாகத்தில், DOGE எனப்படும் அரசு துறையின் தலைவராகவும் எலான் மஸ்க் நியமிக்கப்பட்டார். இதிலும் பல சீர்திருத்த நடவடிக்கைகள் மேற்கொள்ளப்பட்டன. இதனால் ட்ரம்புக்கும், எலான் மக்ஸ்குக்கும் மக்கள் எதிர்ப்பு தெரிவித்து வந்தனர்.
இந்த நிலையில், அமெரிக்காவின் செனட் சபையில் ‘பிக் பியூட்டிஃபுல்' என்ற மசோதா சமீபத்தில் தாக்கல் செய்யப்பட்டு விவாதிக்கப்பட்டு வருகிறது. அடுத்து. செனட் சபையில் நிறைவேற இருக்கிறது. இந்த மசோதா பல்வேறு பொருளாதார செலவீனங்களை மாற்றி அமைக்கும் வகையில் வடிவமைக்கப்பட்டுள்ளது. அதுமட்டும் இன்றி மின்சார வாகன உற்பத்தி நிறுவனங்களுக்கான வரி சலுகைகளையும் ரத்து செய்யும் அம்சம் இடம் பெற்றுள்ளது.
இதனால் எலான் மஸ்க், கடும் கோபம் அடைந்ததாக சொல்லப்படுகிறது. டிரம்பின் இந்த மசோதா அருவருப்பானது என்று தனது எக்ஸ் பக்கத்தில் சாடியிருந்தார். இந்த விவகாரத்தில் டிரம்ப்க்கும் எலான் மஸ்கிற்கும் இடையே வார்த்தை போர் நடைபெற்று வருகிறது.
நான் இல்லையென்றால் டிரம்பால் வெற்றி பெற்றிருக்க முடியாது எனவும் டிரம்ப் நன்றியுணர்வு அற்றவர் எனவும் எலான் மஸ்க் கடுமையாக சாடியிருந்தார். இருவருக்கும் இடையே மோதல் பகிரங்கமாக வெடித்துள்ளது. இந்த நிலையில், அமெரிக்க அதிபர் டொனால்டு டிரம்பை தகுதி நீக்கம் செய்ய வேண்டும் எனவும் துணை அதிபர் ஜேடி வான்சை அந்த பொறுப்பில் நியமிக்க வேண்டும் என்று கூறியுள்ளார்.
இந்நிலையில், எலான் மஸ்கிற்கும் தனக்கும் இடையிலான உறவு முறிந்து விட்டதாகவும், எலான் மஸ்க் எதிர்கட்சிகளுக்கு நிதி உதவி அளித்தால் கடும் விளைவுகளை அவர் சந்திக்க நேரிடும் எனவும் டொனால்ட் ட்ரம்ப் எச்சரித்துள்ளார்.
லேட்டஸ்ட்
Arun K author

மதுரைக்காரன்.. பொறியியல் பட்டதாரி.. 10+ ஆண்டுகள் முன்னணி செய்தி நிறுவனங்களின் டிஜிட்டல் பிரிவுகளில் பணிபுரிந்த அனுபவம். அரசியல் /ஆட்டோமொபைல்/தொழில்...மேலும் பார்க்க

முடிந்தது
Subscribe to our daily Newsletter!
சமீபத்திய செய்தி