கமல் ஹாசனின் சொத்து மதிப்பு எவ்வளவு தெரியுமா.. கடன் மட்டுமே இத்தனை கோடியா.. வெளியான அதிகாரப்பூர்வ தகவல்!

இன்று தமிழில் அதிக சம்பளம் வாங்கும் டாப் நடிகர்களில் உச்சத்தில் கமல் இருக்கிறார். குறிப்பாக விக்ரம் படத்தின் மெகா வெற்றிக்குப் பிறகு தனது சம்பளத்தை பல மடங்கு உயர்த்தி இருக்கிறார் என்று சொல்கிறார்கள். இதுபோக பிக்பாஸ் நிகழ்ச்சியை தொகுத்து வழங்கி வந்த கமல், அதிலும் கோடிக்கணக்கில் சம்பாதிக்கிறார். நடிகர் மட்டுமல்லாமல் தயாரிப்பாளராகவும் வலம் வரும் கமல், விக்ரம், அமரன் படங்களின் பிளாக்பஸ்டர் வெற்றியின் மூலம் மேலும் கோடிக்கணக்கில் லாபம் பார்த்துள்ளார்.

சினிமா தவிர்த்து அரசியல் கட்சி தலைவராகவும் கமல் இருக்கிறார். மக்கள் நீதி மய்யத்தின் தலைவரான கமல் ஹாசன், வரும் ராஜ்ய சபா தேர்தலில் திமுக கூட்டணி சார்பில் எம்.பி பதவிக்கு போட்டியிட உள்ளார். இதற்காக நேற்று தன்னுடைய வேட்பு மனுவை அவர் தாக்கல் செய்தார். அதில் தன்னுடைய சொத்து மதிப்பு, கல்வி மற்றும் தொழில் விவரங்களை அவர் வெளியிட்டுள்ளார்.

2023-24-ம் நிதியாண்டின் வருவாய் - ரூ.78.90 கோடி

அசையும் சொத்துகளின் மதிப்பு - ரூ.59.69 கோடி

ஒட்டுமொத்த அசையா சொத்துகளின் சந்தை மதிப்பு - ரூ.245.86 கோடி

கடன்கள் - ரூ.49.67 கோடி

கையிருப்பில் உள்ள ரொக்கம் - ரூ.2.60 லட்சம்

என தன்னுடைய சொத்து மதிப்பை கமல் குறிப்பிட்டுள்ளார். அந்தவகையில் கமலின் மொத்த சொத்தின் மதிப்பு ரூ.300 கோடியை தாண்டியுள்ளது.

மேலும் இதில் தன்னுடைய கல்வி விவரம் குறித்து பகிர்ந்த அவர், சென்னை புரசைவாக்கம் சர் எம் சிடி., முத்தையா செட்டியார் பள்ளியில் 8-ம் வகுப்பு வரை படித்திருப்பதாக தெரிவித்துள்ளார். மேலும் தொழில் நடிப்பு என குறிப்பிட்டுள்ளார்.