Thug Life First Review: 'தக் லைஃப்' படம் எப்படி இருக்கு.. முதல் விமர்சனம் இதோ!

இந்த நிலையில் தக் லைஃப் படத்தின் முதல் விமர்சனம் வெளிநாட்டில் இருந்து தற்போது வெளியாகியுள்ளது. வெளிநாட்டு சென்சார் குழுவில் உறுப்பினராக இருக்கும் உமைர் சந்து என்பவர் தக் லைஃப் படத்தின் முதல் விமர்சனத்தை தற்போது வெளியிட்டுள்ளார்.

தன்னுடைய எக்ஸ் பக்கத்தில் இதுகுறித்து பதிவிட்ட அவர், " இதுவொரு கல்ட் கிளாசிக் திரில்லர் படம் என்றே சொல்லலாம். கமலும் சிம்புவும் அபாரமாக நடித்துள்ளனர். சூப்பரான கதையை தரமான ஆக்ஷன் காட்சிகளுடன் சேர்த்து கொடுத்திருக்கிறார்கள், மணிரத்னம் - ஏ.ஆர்.ரகுமான் எனும் டெட்லி காம்போ இதில் மீண்டும் கலக்கி இருக்கிறார்கள். கட்டாயம் தியேட்டருக்கு போய் பாருங்க" என அந்த பதிவில் கூறியுள்ளார்.

பெரும்பாலும் இவர் கொடுக்கும் முதல் விமர்சனம் பாசிட்டிவாக இருந்தால் அந்த படம் நிச்சயம் வெற்றி பெற்றுவிடும். முன்னதாக புஷ்பா 2, குட் பேட் அக்லி படங்களுக்கு இதேபோல் ரிலீஸுக்கு முந்தைய நாள் நல்ல விமர்சனம் கொடுத்திருந்தார். அந்த படங்கள் பிளாக்பஸ்டர் ஹிட்டானது. அதேபோல் 'தக் லைஃப்' படமும் பிளாக்பஸ்டர் ஹிட்டாகும் என எதிர்பார்க்கப்படுகிறது.

சிறப்பு காட்சிக்கு அனுமதி:

கன்னட மொழி குறித்து பேசியதற்கு கமல் மன்னிப்பு கேட்காததால் கர்நாடகாவில் இப்படத்தின் ரிலீஸ் தள்ளிவைக்கப்பட்டுள்ளது. கர்நாடகா மாநிலம் தவிர்த்து, நாளை உலகம் முழுவதும் இப்படம் திரைக்கு வருகிறது. இதன் முதல் காட்சி அமெரிக்காவில் இந்திய நேரப்படி அதிகாலை 4 மணிக்கு தொடங்குகிறது. அதேசமயம் தமிழகத்தில் காலை 9 மணி சிறப்பு காட்சியுடன் இப்படம் வெளியாகிறது.