திருவண்ணாமலை கிரிவலம்: எந்த ராசிக்காரர்கள் எப்போது கிரிவலம் செல்ல வேண்டும் தெரியுமா? முழு பட்டியல்

நினைத்தாலே முக்தி தரும் அண்ணாமலை என்ற பெருமை சிவபெருமானே அக்னி பிழம்பாக மலையாக வீற்றிருக்கும் திருவண்ணாமலைக்கு மட்டுமே உள்ளது. திருவண்ணாமலையில், அருணாச்சலேஸ்வரர் கோவிலுக்கு சென்று அண்ணாமலையாரையும் அண்ணாமலைய அம்மனையும் தரிசிப்பது ஒரு பக்கம் இருந்தாலும் திருவண்ணாமலையில் கிரிவலம் வருவது வேண்டும் என்ற விருப்பம் ஆயிரக்கணக்கான லட்சக்கணக்கான பக்தர்களுக்கு இருக்கும். பொதுவாகவே பௌர்ணமிக்கு மட்டும்தான் திருவண்ணாமலை கிரிவலம் செல்ல வேண்டும் என்ற பழக்கம், எப்போது வேண்டுமானாலும் எந்த நேரத்தில் வேண்டுமானாலும் கிரிவலம் செல்லலாம் என்று மாறியுள்ளது.

ஒவ்வொருவருக்கும் திருவண்ணாமலையில் ஒரு முறையாவது கிரிவலம் செல்ல வேண்டும் என்ற விருப்பம் இருப்பதற்கு பல காரணங்கள் உள்ளன. பௌர்ணமி கிரிவலம் செல்லும் பொழுது நிலவின் முழுமையான ஒளியை உடலும் மனமும் கிரகித்து உடல் ரீதியாக மனரீதியாக வலிமையும் ஆற்றலும் அதிகரிப்பதை உணர முடியும்.

இதே போலவே ஒவ்வொரு ராசியினரும் எந்தெந்த நாட்களில் கிரிவலம் சென்றால் அதிர்ஷ்டமானதாக இருக்கும் என்று பார்க்கலாம்.

ராகு கேது தவிர்த்து, ஏழு கிரகங்கள் இருக்கின்றன! இந்த ஏழு கிரகங்களுக்கும் ஒவ்வொரு நாள் என்று அந்தந்த நாளில் அந்த கிரகத்தின் தாக்கம் செல்வாக்கு ஆளுமை அதிகமாக இருக்கும். எனவே குறிப்பிட்ட ராசிக்குரிய கிரகங்களின் ஆளுமை கொண்ட நபர்கள், அவர்களின் ராசிக்குரிய கிழமைகளில் கிரிவலம் செல்லும் பொழுது அதனுடைய பயன்களை அதிகமாக பெறலாம் என்று கூறப்படுகிறது. எந்த ராசியில் பிறந்தவர்கள் எந்த கிழமைகளில் கிரிவலம் செல்லலாம் என்பதற்கான பட்டியல் இங்கே.

கிழமை	ஆட்சி கிரகம்	ராசிகள்
ஞாயிறு	சூரியன்	சிம்மம்
திங்கள்	சந்திரன்	கடகம்
செவ்வாய்	செவ்வாய்	மேஷம், விருச்சிகம்
புதன்	புதன்	மிதுனம், கன்னி
வியாழன்	குரு	தனுசு, மீனம்
வெள்ளி	சுக்ரன்	ரிஷபம், துலாம்
சனி	சனி	மகரம், கும்பம்

ஜோதிட ரீதியாகவும் ஆன்மீக ரீதியாகவும் ஒவ்வொரு கிழமைகளிலும் ஒரு கிரகத்தின் தாக்கமும் வலிமையும் அதிகமாக இருக்கும் என்பதால் தான் அந்தந்த ராசிகளில் இருந்தவர்கள் இந்த நாட்களில் கிரிவலம் செல்வது கூடுதல் பலன்களை பெற முடியும் என்று கூறப்படுகிறது. அவரவர் விருப்பப்படி எந்த நாட்களில் எப்போது வேண்டுமானாலும் கிரிவலம் செல்லலாம, மனதில் உண்மையான பக்தி இருந்தாலே போதுமானது.

Disclaimer: இந்தப்பதிவு ஆன்மீக மற்றும் ஜோதிட நம்பிக்கைகளின் படி எழுதப்பட்டதாகும். இதில் சொல்லப்பட்டிருக்கும் கருத்துக்களுக்கு அறிவியல் தொடர்பான விளக்கம் இல்லை என்பதை தெரிவித்துக் கொள்கிறோம்.