ராகு கேது 2025 பெயர்ச்சி பலன்: கும்பம் ராசிக்கு என்ன நடக்கும்?

கும்பம் ராசிக்கு கடந்த ஒன்றரை ஆண்டு காலமாக கலவையாக பலன்களை தந்த ராகு கேது பெயர்ச்சி, தற்போது ராசியில் மற்றும் ஏழாவது வீட்டில் நடக்கிறது. கும்பத்துக்கு சனியும் ராகுவும் இடம் மாறி இருக்கிறார்கள். இது சாதகமாக இருக்குமா, ராகு கேது பெயர்ச்சி கும்ப ராசிக்கு எப்படி இருக்கும் என்று பார்க்கலாம்.

ராகு கேது பெயர்ச்சி தேதி 2025

திருக்கணிதப் பஞ்சாங்கத்தின் படி, நிழல் கிரகங்களாக சொல்லப்படும் ராகு கேது பெயர்ச்சி, 2025 மே 18 அன்று நடக்கிறது. வாக்கிய பஞ்சாங்கத்தின் படி ராகு கேது பெயர்ச்சி, ஏப்ரல் 26 ஆம் தேதி ஏற்கனவே நடந்துவிட்டது என்பது குறிப்பிடத்தக்கது. இந்த ராகு கேது பெயர்ச்சியில், மீன ராசியில் இருந்து கும்ப ராசிக்கு, ராகுவும், கன்னி ராசியிலிருந்து சிம்ம ராசிக்கு கேதுவும் பெயர்ச்சி ஆகிறார்கள். ராகு கேது 2025 பெயர்ச்சி, கும்பம் ராசிக்கு என்னென்ன மாற்றங்களை ஏற்படுத்தும் என்பது பற்றி பார்க்கலாம்.

2025 ராகு கேது பெயர்ச்சியில் கும்பம் ராசிக்கு, ராசியிலேயே ஜென்ம ராகுவாக பெயர்ச்சி ஆகிறார்.

ராகு என்பது பிரம்மண்டாமாக சிந்திப்பது, அதிகமான ஆசை, வேகம், குறுக்கு வழி, மாயை உள்ளிட்ட அவற்றை குறிக்கும். ராகு ராசியில் இருக்கும் பொழுது பெரிதாக ஆசைப்பட வைத்து, அதிலிருந்து ஏதேனும் நெருக்கடிகளை ஏற்படுத்தலாம். எனவே, பொதுவாகவே எல்லா விஷயங்களிலும் கொஞ்சம் எச்சரிக்கையாக இருப்பது நல்லது.

இதுவரை இல்லாத அளவுக்கு கும்ப ராசியினருக்கு குணாதிசயங்களில் சில மாற்றங்களை உணரலாம். சின்ன சின்ன விஷயங்கள் கூட பெரிதாக நடக்க வேண்டும் உடனடியாக நடக்க வேண்டும் என்ற உள்ளுணர்வை கட்டுப்படுத்த வேண்டும்.

• நிதானமாக பொறுமையாக மற்றும் சிந்தித்து செயல்படுவது ராகுவால் ஏற்படக்கூடிய நெருக்கடிகளை தடுக்க உதவும் என்பது குறிப்பிடத்தக்கது.
• வேற்று மொழி, வேறு இனத்தை சார்ந்தவர்களுக்கு காதல் திருமணம் கைகூடும்.

ஆனால் ராகு ராசிகள் இருந்தால் கூட கும்ப ராசியினருக்கு இந்த ராகு கேது பெயர்ச்சியில், பல மாதங்களுக்கு குரு பார்வை இருப்பதால் பெரிய அளவுக்கு ராகுவால் பாதிப்பு ஏற்படாது என்பது குறிப்பிடத்தக்கது.

2025 ராகு கேது பெயர்ச்சியில் கேது களத்திர ஸ்தானம் என்று சொல்லப்படும் ஏழாம் வீட்டில் சஞ்சரிப்பது, கணவன் மனைவி உறவுக்குள் சின்ன சின்ன பாதிப்புகளை ஏற்படுத்தலாம்.

இந்த கேது பெயர்ச்சி நன்மைகளும் தீமைகளும் கலந்தே இருக்கும். திருமணம் ஆகாதவர்களுக்கு, தர்மஸ்தானம் என்று சொல்லப்படும் ஏழாவது வீட்டில் கேது சஞ்சரிப்பதால், இந்த காலகட்டத்தில் பெரும்பாலான கும்ப ராசியினருக்கு நீண்ட காலம் திருமணம் ஆகாமல் இருப்பவர்களுக்கு திருமணம் நடக்கும்.

அதே போல திருமணமான கும்ப ராசியினருக்கு கணவன் மனைவி உறவில் விட்டுக்கொடுத்து செல்வது மிக மிக அவசியம்.. கணவன் அல்லது மனைவியை பிரிந்து வாழ வேண்டிய சூழல் ஏற்படலாம். தேவையில்லாத மனக்கசப்புகள் உண்டாக்கலாம். என்ன நடக்கிறதோ அதை ஏற்றுக்கொள்ளக்கூடிய மனப்பக்குவம் இருந்தாலே உறவுக்குள் ஏற்படக்கூடிய சிக்கல்களை எளிதாக சரி செய்ய முடியும்.

திருமண வாழ்வு மற்றும் குடும்பத்தில் பற்றி இல்லாத நிலையில் இருப்பது, அதீதமான எதிர்பார்ப்புகளை அடுத்த சில மாதங்களுக்கு குறைத்துக் கொண்டால் கேதுவால் ஏற்படக்கூடிய நெருக்கடிகள் பெரிய பாதிப்புகளை கொடுக்காது.

கும்பம் ராசிக்கு ராகு கேது 2025 பெயர்ச்சி காலத்தில், கலவையான பலன்கள் இருக்கும். ஒரு பக்கம் அதிகமான ஆசை ஏற்படலாம் மற்றொரு பக்கம் வருத்தம் உண்டாகி பெருமை தோன்றலாம். இந்த இரண்டையும் சரியாக சமநிலையில் வைத்து செயல்படுவது ராகு கேது பெயர்ச்சியில் உங்களுக்கு கிடைக்கக்கூடிய அனுகூலமான விஷயங்களை சுலபமாக பெற முடியும்.

சிவபெருமான் வழிபாடு, விநாயகர் மற்றும் ஆஞ்சநேயர் வழிபாடு, கருமாரியம்மன் வழிபாடு உள்ளிட்டவை ராகு கேது பெயர்ச்சியில் ஏற்படக்கூடிய பொதுவான ராகு கேது தோஷத்தை போக்க உதவும்.

Disclaimer: இந்தப்பதிவு ஆன்மீக மற்றும் ஜோதிட நம்பிக்கைகளின் படி எழுதப்பட்டதாகும். இதில் சொல்லப்பட்டிருக்கும் கருத்துக்களுக்கு அறிவியல் தொடர்பான விளக்கம் இல்லை என்பதை தெரிவித்துக் கொள்கிறோம்.