டிரெண்டிங்

Top News Today (09.06.2025): இன்றைய முக்கியச் செய்திகள்

Top Headlines Today: உள்ளூர் முதல் உலகம் வரை இன்றைய தினத்தின் (திங்கள்கிழமை) முக்கிய செய்திகளின் தொகுப்பை இந்த பதிவில் தெரிந்துகொள்ளலாம்.

June 9 Headlines

ஜூன் 9 - இன்றைய முக்கியச் செய்திகள்

Photo : Times Now
அருண்ராஜ்-க்கு பதவி: விஜயின் தமிழக வெற்றிக் கழகத்தில் திமுக, அதிமுகவைச் சேர்ந்த முக்கிய பிரமுகர்கள் உட்பட 6 பிரபலங்கள் இன்று இணைந்துள்ளனர். மேலும், அண்மையில் விருப்ப ஓய்வு பெற்ற முன்னாள் ஐ.ஆர்.எஸ் அதிகாரி அருண்ராஜுக்கு கொள்கை பரப்பு பொதுச்செயலாளராக வழங்கப்பட்டுள்ளது.
ஆ.ராசா விமர்சனம்: மத்திய அமைச்சர் அமித்ஷா மதுரையில் பேசிய பேச்சு அப்பட்டமான பொய் , அறுவருப்பான வஞ்சகம் , பிளவு நோக்கம் கொண்ட சூதுரை. இந்த மூன்றையும் தவிர அவரின் பேச்சில் வேறு எதுவும் கண்டுபிடிக்க முடியவில்லை என திமுக துணைப் பொதுச்செயலாளரும் மக்களவை எம்பியுமான ஆ.ராசா விமர்சித்துள்ளார்.
ராமதாஸ் நம்பிக்கை: சென்னையில் செய்தியாளர்களை சந்தத்து பேட்டியளித்த ராமதாஸ், என்னை குலதெய்வமாக, கடவுளாக நினைக்கக்கூடிய கோடான கோடி தொண்டர்களுக்காக, அவர்களின் முன்னேற்றத்திற்காக எதையும் செய்வேன். பாமக தொண்டர்கள் என்பக்கமே உள்ளனர். கட்சியில் ஏற்பட்டுள்ள பிரச்னைகளுக்கு விரைவில் தீர்வு கிடைக்கும் என்றார்.
பாலியல் வன்கொடுமை: சென்னை தாம்பரம் அரசு சேவை இல்லத்தில் 13 வயது சிறுமி ஒருவர் பாலியல் வன்கொடுமைக்கு ஆளான சம்பவம் பெரும் அதிர்ச்சியை ஏற்படுத்தியுள்ளது. இந்த சம்பவத்திற்கு அதிமுக, பாஜக, பாமக உள்ளிட்ட பல்வேறு கட்சிகள் திமுக அரசை சாடி கண்டித்துள்ளன.
கப்பலில் தீவிபத்து: கேரளா மாநிலம் கண்னூர் துறைமுகம் அருகே சிங்கப்பூர் நாட்டைச் சேர்ந்த சரக்கு கப்பல் ஒன்றில் இன்று எதிர்பாரத வகையில் திடீர் தீவிபத்து ஏற்பட்டுள்ளது. இந்த கப்பலில் மொத்தம் 22 பேர் இருந்த நிலையில், மீட்பு பணிகளை இந்திய கடற்படை மும்முரமாக செய்து வருகிறது.
மனைவி கைது: இந்தூரைச் சேர்ந்த புதுமணத் தம்பதி மேகாலயாவிற்கு ஹனிமூன் சென்றபோது மாயமான சம்பவம் நாட்டையே பரபரப்பாக்கியது. இதில் திடீர் திருப்பமாக, ஹனிமூன் சென்ற இடத்தில் கணவரை, கூலிப்படையை ஏவி மனைவியே கொலை செய்தது கண்டுபிடிக்கப்பட்டுள்ளது. மனைவி சோனம் மற்றும் அவருடைய காதலர் உள்ளிட் 7 பேர் கைது செய்யப்பட்டுள்ளனர்.
ரயில் விபத்து: மகாராஷ்டிரா மாநிலம் மும்பை - தானே புறநகர் ரயிலில் அதீத கூட்ட நெரிசல் காரணமாக படிக்கட்டில் பயணித்த பயணிகள் தவறி விழுந்ததில் 5 பேர் உயிரிழந்துள்ளனர். 10க்கும் மேற்பட்டோர் பலத்த காயமடைந்து சிகிச்சை பெற்று வருகின்றனர்.
இழப்பீடு வழங்க உத்தரவு: ஏ.ஆர்.ரஹ்மானின் 'மறக்குமா நெஞ்சம்', இசை நிகழ்ச்சியை காண ரூ.10,000 கொடுத்து டிக்கெட் பெற்றும், போக்குவரத்து நெரிசலால் நிகழ்ச்சியை காண முடியாதவருக்கு ரூ.50,000 இழப்பீடு வழங்குமாறு நிகழ்ச்சி ஏற்பாட்டாளருக்கு சென்னை வடக்கு மாவட்ட குறைதீர் ஆணையம் உத்தரவு பிறப்பித்துள்ளது. அர்ஜுன் என்பவர் அளித்த புகார் மனுவில் ஆணையம் நடவடிக்கை எடுக்கப்பட்டுள்ளது.
கனமழை எச்சரிக்கை: தமிழகத்தின் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் பலத்த காற்றுடன் லேசனது முதல் மிதமான மழை பெய்யக்கூடும். ஈரோடு, திருவண்ணாமலை, ராணிப்பேட்டை, திருப்பத்தூர், வேலூர், தருமபுரி, கிருஷ்ணகிரி மாவட்டங்களில் கனமழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
பங்குச் சந்தை நிலவரம்: இந்திய பங்குசந்தைகள் இன்றைய தினம் உயர்வை கண்டுள்ளது. அதன்படி, மும்பை பங்குச்சந்தை குறியீட்டு எண் சென்செக்ஸ் 256 புள்ளிகள் உயர்ந்து 82,445 புள்ளிகள் என வர்த்தகத்தை நிறைவு செய்தது. தேசிய பங்குசந்தை குறியீட்டு எண் நிஃப்டி 100 புள்ளிகள் உயர்ந்து 25,103 புள்ளிகளில் வர்த்தகத்தை நிறைவு செய்தது.
தங்கம் விலை நிலவரம்: ஆபரண தங்கத்தின் விலையில் இன்றைய தினம் சரிவு கண்டுள்ளது. அதன்படி, சென்னையில் ஒரு கிராம் தங்கத்தின் விலை கிராமுக்கு 25 ரூபாய் சரிந்து ஒரு கிராம் ரூ.8,955க்கும், ஒரு சவரன் ரூ.71,640க்கு விற்பனை செய்யப்படுகிறது. அதேவேளை, வெள்ளியின் விலையும் கிராமுக்கு ஒரு ரூபாய் உயர்ந்து ஒரு கிராம் ரூ.118க்கு விற்பனை செய்யப்படுகிறது.
புதிய கட்சி: பிரபல தொழிலதிபர் எலான் மஸ்க் அமெரிக்காவில் புதிய கட்சி ஒன்றை தொடங்கியுள்ளார். அவர் கட்சிக்கு 'தி அமெரிக்கன் பார்ட்டி' என்று பெயர் வைத்துள்ளார். உண்மையிலேயே அமெரிக்காவை பிரதிநிதித்துவப்படுத்தும் கட்சியாக இது இருக்கும் என அவர் கூறியுள்ளார்.
ரொனால்டோவுக்கு கோப்பை: நேஷன்ஸ் லீக் கால்பந்து தொடரின் இறுதிப் போட்டியில் ஸ்பெயின்-போர்ச்சுகல் அணிகள் மோதின. இதில் கிறிஸ்டியானோ ரொனால்டோ தலமையிலான போர்ச்சுகல் அணி பெனால்டி ஷூட் அவுட் முறையில் வெற்றி பெற்று கோப்பையை வென்றுள்ளது.
லேட்டஸ்ட்
    Kannan V author

    ஹாய், என் பெயர் கண்ணன்.. எழுத்து, ஊடகத்துறையின் மீது கொண்ட ஈடுபாட்டால் கடந்த 6 ஆண்டுகளாக இத்துறையில் இயங்கி வருகிறேன். அரசியல் / உலகம் / விளையாட்டு கு...மேலும் பார்க்க

    முடிந்தது
    Subscribe to our daily Newsletter!
    சமீபத்திய செய்தி