தேர்தல் பரப்புரையில் ஈடுபட்டிருந்த கொலம்பிய அதிபர் வேட்பாளர் மீது துப்பாக்கிச்சூடு.. பதறவைக்கும் வீடியோ..!

தென் அமெரிக்கா நாடான கொலம்பியாவில் அடுத்த ஆண்டு தொடக்கத்தில் அதிபர் தேர்தல் நடைபெற இருக்கிறது. இதனால் ஆளும் தரப்பும், எதிர்க்கட்சி தரப்பும் தேர்தல் பரப்புரைகளில் தீவிரமாக ஈடுபட்டு வருகின்றன.

எதிர்க்கட்சியாக திகழும் கன்சர்வேட்டிவ் டெமோகிரடிக் சென்டர் கட்சி சார்பில் 39 வயதாகும் எம்பி மிகுவல் யூரிப் போட்டியிட உள்ளார். இதனால் அவர் கொலம்பியாவின் பல்வேறு இடங்களில் பொதுக் கூட்டங்களில் பரப்பரையை தொடங்கி ஈடுபட்டு வருகிறார்.

அந்த வகையில் கடந்த சனிக்கிழமை அன்று கொலம்பியாவின் பகோடா மாகாணத்தில் உள்ள ஃபாண்ட்டிபான் என்ற நகரில் உள்ள பூங்கா ஒன்றில் தனது ஆதரவாளர்களிடையே உரையாற்றிக் கொண்டிருந்தார். அவருடன் மேலும் சில எம்பிக்களும், கட்சியின் முக்கிய பிரமுகர்களுடன் உடன் இருந்தனர்.

இச்சம்பவத்தில் தொடர்புடைய மைனர் சிறுவன் போலீசாரால் கைது செய்யப்பட்டு விசாரணை வளையத்தில் உள்ளார்.

கொலம்பிய நாடாளுமன்றத் தேர்தலில் அதிபர் வேட்பாளராக போட்டியிடும் யூரிப், துப்பாக்கியால் சுடப்பட்ட சம்பவம் அங்கு பெரும் பரபரப்பை ஏற்படுத்தியிருக்கிறது. இதனிடையே, தற்போதைய அதிபர் கஸ்தாவோ பெட்ரோ, இச்சம்பவம் தொடர்பாக அதிர்ச்சி தெரிவித்துள்ளார், மேலும் இச்சம்பவம் தொடர்பாக தீவிர விசாரணை மேற்கொள்ளப்படும் என அவர் உறுதி அளித்துள்ளார்