திருப்பதியில் அலைமோதும் பக்தர்கள் கூட்டம்.... 24 மணிநேரம் காத்திருந்து தரிசனம்!

பூலோக வைகுண்டம் என்று சொல்லப்படும் திருப்பதியில் ஏழுமலையானை தரிசனம் செய்வதற்கு கிட்டத்தட்ட 24 மணி நேரம் பக்தர்கள் காத்திருந்தனர். இந்த ஆண்டு கோடை விடுமுறை கடைசி சில தினங்கள் என்பதால், பிரசித்தி பெற்ற கோவில்களுக்கு செல்லும் பக்தர்களின் எண்ணிக்கை கடந்த வார இறுதியில் பல மடங்கு அதிகரித்துள்ளது என்று கூறலாம். பொதுவாகவே விடுமுறை காலங்களில் திருப்பதியில் பக்தர்களின் எண்ணிக்கை கணிசமாக அதிகரிக்கும். அந்த வகையில் கடந்த சனி மற்றும் ஞாயிறு ஆகிய இரண்டு நாட்களுமே, பொது தரிசனத்தில் பக்தர்கள் 24 மணி நேரம் காத்திருந்து தரிசனம் செய்தனர் என்று தகவல் வெளியாகி உள்ளது.