கோடை மழை அலெர்ட்.. செங்கல்பட்டு, திருவண்ணாமலை உள்ளிட்ட இந்த 13 மாவட்டங்களில் மழைக்கு வாய்ப்பு.. வானிலை மையம் தகவல்

இந்நிலையில், கோடை வெயிலுக்கு ஆறுதல் தரும் விதமாக மாலை வேளை தமிழ்நாட்டின் பல்வேறு இடங்களில் பரவலாக மழை பெய்து வருகிறது. அந்தவகையில், காஞ்சிபுரம், செங்கல்பட்டு, ராணிப்பேட்டை, வேலூர், திருப்பத்தூர், கிருஷ்ணகிரி, தருமபுரி, திருவண்ணாமலை, விழுப்புரம், கடலூர், கள்ளக்குறிச்சி, பெரம்பலூர், அரியலூர் ஆகிய 13 மாவட்டங்களில் இன்று இரவு வரை மழைக்கு வாய்ப்பு என வானிலை ஆய்வு மையம் தெரிவித்துள்ளது.

மேலும், சென்னையில் இன்று மாலை வேளை கோயம்பேடு, வடபழனி, அசோக் நகர், மேற்கு மாம்பலம் உள்ளிட்ட பகுதிகளில் மழை பெய்துள்ளது. அத்துடன் சென்னையில் இன்றும் நாளையும் இடி மின்னலுடன் கூடிய லேசான மழைக்கு வாய்ப்புள்ளதாக என வானிலை ஆய்வு மையம் கூறியுள்ளது.

அதேவேளை, தமிழ்நாட்டில் ஒருசில இடங்களில் இன்று மற்றும் நாளை இரு நாள்கள் அதிகபட்ச வெப்பநிலை 2-3 செல்சியஸ் இயல்பை விட அதிகம் இருக்கக் கூடும். இதனால் அதிக வெப்ப நிலையும், அதிக ஈரப்பதமும் இருக்கும் நிலையில் ஓரிரு பகுதிகளில் அசவுகரியம் ஏற்படாலம் எனவும் வானிலை மையம் எச்சரித்துள்ளது.