IPL ல் RCB வென்றதற்கு JIO, VI, Airtel இலவச ரீசார்ஜ் தருகிறதா..? WhatsApp Group-ல் சைபர் மோசடி கும்பலிடம் சிக்கிக்காதீங்க.. உஷார்படுத்தும் புதுச்சேரி போலீஸ்!

செல்போன் ரீசார்ஜ் ஆஃபர் என்ற பெயரில் ஒரு மோசடி விளம்பரம் பரவி வருகிறது; அதில் மக்கள் எச்சரிக்கையுடன் இருக்க வேண்டும் என புதுச்சேரி சைபர் கிரைம் போலீசார் எச்சரித்துள்ளனர்.

இந்தியாவில் சமீப நாள்களாகவே இணைய வழி சைபர் பண மோசடி குற்றச் சம்பவங்கள் அதிகரித்து வருகிறது. முன்பெல்லாம், வங்கிக்கணக்கு எண், பான் எண், ஓடிபி போன்றவற்றை வைத்து தான் மோசடிகள் அரங்கேறி வந்தன.

இதில் பாதிக்கப்பட்ட மக்கள் தொடர்பு கொள்ள உதவி எண்களையும் காவல்துறை வழங்கியுள்ளது. இது தொடர்பாக புதுச்சேரி சைபர் கிரைம் காவல்துறை வெளியிட்டுள்ள செய்திக் குறிப்பில் கூறியதாவது, "ஐ.பி.எல். கிரிக்கெட் (IPL) போட்டியில் பெங்களூரு ராயல் சேலஞ்சர்ஸ் அணி (RCB) வெற்றி பெற்றது. இதையொட்டி ஜியோ (JIO), வோடோபோன் (Vi) மற்றும் ஏர்டெல் (Airtel) ஆகிய தொலைத்தொடர்பு நிறுவனங்கள் இந்தியர்களுக்கு 3 மாதங்களுக்கு இலவச ரீ-சார்ஜ் (Free Recharge) வழங்குவதாக போலி இணையதள முகவரியுடன் வாட்ஸ் அப் (WhatsApp) குழுக்களில் தகவல் பரவுகிறது.

இந்த இணையதள முகவரியை ஆன்லைன் மோசடி கும்பல் உருவாக்கி பரப்பி வருகிறது. அந்த இணையதள முகவரி லிங்க்கை கிளிக் செய்து செல்ல வேண்டாம். அப்படியே கிளிக் செய்தால் அதில் கேட்கப்பட்டிருக்கும் செல்போன் எண், வங்கி கணக்கு விவரம், ரகசிய எண் ஆகியவற்றை கொடுக்க வேண்டாம். அப்படி தெரிவித்தால் அவரின் வங்கிக் கணக்கில் பணம் பறிபோகும் வாய்ப்பு உள்ளது.

எனவே சமூக வலைதளங்களில் வரும் தகவலை நம்ப வேண்டாம். பொதுமக்கள் சைபர் கிரைம் புகார்களை தெரிவிக்க 1930, 0413-2276144, 9489205246 ஆகிய எண்களை தொடர்பு கொள்ளலாம். அல்லது cybercrime.gov.in என்ற இனையதள முகவரியிலோ, சைபர் கிரைம் காவல் நிலையத்தை நிலையத்தை தொடர்பு கொள்ளலாம் எனத் தெரிவிக்கப்பட்டுள்ளது.