பேக்கிங் செய்ய பிடிக்குமா?பேக்கரி கடை வைக்க ஆசையா? அரசு தரும் பேக்கிங் பயிற்சியை மிஸ் பண்ணீடாதீங்க!

தமிழக அரசின் தொழில் முனைவோர் மேம்பாடு மற்றும் புத்தாக்க நிறுவனம், சென்னையில், 3 நாட்கள் தொழில் முனைவோர் மேம்பாட்டு திட்டம் பேக்கரி பொருட்கள் தயாரித்தல் பயிற்சியை அளிக்க உள்ளது.

பயிற்சியில் பேக்கரி பொருட்களின் மூலப்பொருள், பிராண்ட் போன்றவற்றின் கிடைக்கும் தன்மை, கருவிகள் மற்றும் உபகரணங்களின் உள்ளீடுகள், இயந்திரங்கள் முதலியன, ஹைதராபாத் கராச்சி பிஸ்கட், ஜெர்ரா உப்பு பிஸ்கட், இனிப்பு குக்கீகள், ஈஸ்ட் புளிக்கவைக்கப்பட்ட பாம்பே பன், இனிப்பு ரொட்டி, கிரீம் பன், பழ ரஸ்க், பப்ஸ் வகைகள் கேக் வகைகள் எப்படி தயாரிப்பது பற்றி இப்பயிற்சியில் விளக்குவார்கள்.

மேலும் தயாரிப்பு சந்தைப்படுத்துதலின் அம்சங்கள் பேக்கிங் லேபிளிங் மற்றும் அதற்காண விலை வழிமுறைகள் ஆகியன கற்றுத்தரப்படும். அரசு வழங்கும் உதவிகள் மற்றும் மானியங்கள் ஆகியவையும் விளக்கப்படும்.

18 வயதுக்கு மேற்பட்ட 10 ஆம் வகுப்பு முடித்தவர்கள் பேக்கிங் துறையில் ஆர்வம் இருந்தால் இந்தப் பயிற்சியில் சேரலாம்.

செய்திகளை உடனுக்குடன் அறிய, இங்கே கிளிக் செய்து டைம்ஸ் நவ் செய்தி செயலியை இன்ஸ்டால்செய்க

09.06.2025 முதல் 11.06.2025 தேதி வரை காலை 10.00மணி முதல் மதியம் 5.45 மணி வரை இப்பயிற்சி நடைபெற உள்ளது.

இப்பயிற்சியில் பங்குபெறும் பயனாளிகளுக்கு குறைந்த வாடகையில் குளிரூட்டப்பட்ட தங்கும் விடுதி உள்ளது

இதையும் பாருங்க: 12 ஆம் வகுப்பு படித்தவர்களுக்கு 12000 சம்பளம். மத்திய திட்டத்தின் கீழ் திருச்சியில் சூப்பர் வேலை

இப்பயிற்சி பற்றிய கூடுதல் விவரங்களை பெற விரும்புவோர் www.editn.in என்ற இணையதளத்தை பார்க்கலாம். பின்னர் அதன் வழியாகவும் தொலைபேசி மூலம் அழைத்தும் இப்பயிற்சியில் சேர பதிவு செய்து கொள்ளலாம்.

தொடர்பு கொள்ள வேண்டிய முகவரி மற்றும் தொலைபேசி / கைபேசி எண்கள்.

தமிழ்நாடு தொழில் முனைவோர் மேம்பாடு மற்றும் புத்தாக்க நிறுவனம்,

சிட்கோ தொழிற்பேட்டை,

இடிஐஐ அலுவலக சாலை

கிண்டி,

சென்னை 600 032.

8668102600/7010143022.